ഉമ്മത്തിന്റെ മാസമാണ് റംസാന്‍ .

[JEELANI MESSAGE]

മാസങ്ങളില്‍ ഹൃദയസ്ഥാനത്താണ് റംസാന്‍ . മനസ്സ് നന്നായാല്‍ മനുഷ്യന്‍ നന്നായെന്ന പോലെ റംസാന്‍ നന്നായാല്‍ വര്‍ഷം നന്നായി .

ഉമ്മത്തിന്റെ മാസമാണ് റംസാന്‍ . റംസാനിലെ ഓരോ ദിവസവും ഇഫ്‌ താറിന്റെ സമയത്ത് അല്ലാഹു അടിമയുടെ അരികിലെത്തും. നോമ്പുകാരനെ ആദരിച്ചു കൊണ്ട് മറകളഖിലം മാറ്റിയുള്ള അല്ലാഹുവിന്റെ വരവിന് ആതിേഥയത്വം വഹിക്കാനുള്ള ആഹ്ലാദത്തിലായിരിക്കണം വിശ്വാസികള്‍ .

വീടും പരിസരവും ദേഹവും ദേഹിയും കുടുംബവും കൂട്ടുകെട്ടുകളും. ബന്ധങ്ങളും ബന്ധനങ്ങളും അല്ലാഹുവിന്റെ ആദരണീയമായ വരവിന് തടസ്സമാകും വിധം മലിനപ്പെടുത്താതെ സൂക്ഷിക്കണം.

വിശുദ്ധ റംസാനിന്റെ രാത്രികളില്‍ അല്ലാഹുവിന്റെ കാരുണ്യം നിറഞ്ഞ നോട്ടത്തിന് പാകപ്പെട്ട ജീവിതമാണ്
രൂപപ്പെടുത്തേണ്ടത് . വിശുദ്ധരായ മഹത്തുക്കളിലൂടെ, മശാഇഖുമാരിലൂടെ അല്ലാഹുവിന്റെ ലിഖാഇന് സാക്ഷികളാകാന്‍ സാധിക്കുന്നവരാക്കി മാറ്റുകയാണ് റംസാന്‍ .

നിത്യവും നിര്‍ബന്ധമായി ആവര്‍ത്തിച്ചു കൊണ്ടിരിക്കുന്ന സൂറതുല്‍ ഫാതിഹയിലെ പ്രാര്‍ത്ഥനയുടെ അര്‍ത്ഥം മനസ്സിലാക്കാനുള്ള അവബോധമാണ് സമൂഹം ആര്‍ജ്ജിക്കേണ്ടത് . 

നേര്‍മാര്‍ഗ്ഗമെന്നാ ല്‍ അനുഗ്രഹീതരുടെ പാതയാണെന്നും അവിടെയാണ് എത്തേണ്ടതെന്നും പ്രാര്‍തഥിക്കുമ്പോള്‍ അതിനു വേണ്ടിയുള്ള പ്രവര്‍ത്തനവും ഉണ്ടാകട്ടെ എന്നാണെനിക്ക് ഓര്‍മ്മപ്പെടുത്താനുള്ളത് .

വിശുദ്ധ റംസാന്‍ നല്‍കുന്ന മാനസിക പരിശുദ്ധി പവിത്രമായതഖിലം സ്വയത്തമാക്കാനുള്ള സാഹചര്യങ്ങളിലേക്കടുപ്പിക്കട്ടെ എന്നാശംസിക്കുന്നു